सुशासीत प्रशासनाखातीर माहितीचो अधिकार कायदो.

सुशासीत प्रशासनाखातीर माहितीचो अधिकार कायदो.

माहितीचो अधिकार कायदो 12 ऑक्टोबर 2005 दशभरात लागु जालो ताका आता आठ वर्सा जायत येता, त्या निमतान घेतलेलो या कायद्याबाबतचो हो ल्हानसो  नियाळ. “माहितीचो अधिकार” हो एक संविधानिका अधिकार आसून सामाजिक कार्यकर्त्यानी एकठाय जावून लढाई आनी चळवळ केल्यानंतर हेका ‘माहितीचा अधिकार, 2005’ या कायद्याखाला मान्याता मेळ्ळी. एखाद्या लोकशायप्रधान देशात संविधानीक अधिकाराखातीर लढाई करपाची पट्टा ही लोकशाहीक लाजिरवणी गजाल जावून आसा. प्रशासनाभीतूर पारदर्शकता हाडप आनी भ्रष्टाचाराक आळो घालपाच्या उद्देशान अस्तीत्वात आयलेलो माहीतीचो अधिकार 2005 हो कायदो मोठ्या प्रमाणात यशस्वी जाला हातून कायूच दुबान ना, तरीपूण या कायद्याची बर्‍यातरेन अंमालबजावणी जावपाक बर्‍योच अडचणी आसात. ह्यो अडचणी कायद्यात उरील्या काय त्रुटीखातीर आसात तशेच प्रशासनाच्या असहकार वृत्तीकलागून निर्माण जालेल्यो आसात.

माहितीचो अधिकाराखातीर राज्यकरभारान पारदर्शकता आनी विश्वास वाडटा आनी हेतूनच लोकशायच्या यशाचे सूत्र लिपील्ले आसा. कायदो हो संरक्षणाचे माध्यम आसा आनी जेन्ना होच कायतो लोकांचो भक्षक जाता तेन्ना लोकशायीचो पराभव जाता. माहीतीचो अधिकार हे लोकांचे शस्त्र आसा, आनी हो अधिकार सामान्य नागरिकांचो प्रशासनात सहभाग वाडोपाचे माध्यम आसा. लोकांचो राज्यकारभारात सहभाग असोय लोकशायचो एक अर्थ आसा, ह्यान पयली आमच्या लोकशायीन लोकांचो प्रशासनात सहभाग फकत मतदान करण्यापुरतो अशील्लो. माहितीचो अधिकाराक लागून लोकांचो प्रशासनात्लो सहभाग वाडत आसा आनी हे बर्‍या लोकशायीचे लक्षण आसा.

माहितीचो अधिकार कायदो करताना सामान्य मनीस आनी सरकारी यंत्रणा ह्याचे नाते किदे हे सांगलेले आसा. हि यंत्रणा कशी काम करता आनी किदे काम करता हे जाणून घेवपाचो सामान्य मनशाक अधिकार आसा, कारण हो सामान्य मसीसूच या देशाचो मालक जावून आसा अशे या कायद्याचा सुरूवातीच्या प्रस्थावनेत म्हणील्ले आसा. एकाद्या कार्यालयात साद्या साद्या कामाक लागून सामान्य मनशाक कितल्योश्योच फावटी मारच्यो पट्टा. सरकारी यंत्रणा सामान्य मनशाचे काम करताना त्या सामान्य मनशाक त्रास दित आसत तर त्या यंत्रणेक जाग्यार हाडूकूच जाय. या यंत्रणेत भ्रष्टाचार अक्राळविक्राळ राक्षसाचे रूप घेऊन बसलेलो आसा, तुमचे खयचेय काम करपाक जाय जाल्यार बेकायदेशीर पैशे दिवपाचे पडतात, आनी दिले ना जाल्यार तुमच्या कामात अडखाय हाडली वाता.

तो अधिकारी नाजल्यार तो कामगार ताका आमचे काम करपाक दोवोल्लेलो आसा, तो काय आमचेर उपकार करी ना, ताजे काम करपाक तो पगार घेता आनी ह्या देशातले लोक म्हणजेच आमी ताका ताजो पगार दिता हे विसरूपाक जायना. आनी हेच चेपवण ताजेर येवपाखातीर माहितीचो अधिकार कायदो आसा. या अधिकारातसुद्दा खुप्प व्हडली ताकद आसा, पुण या कायद्यचो वापर ज्या प्रमाणात जावपाक जाय तसो जाईन ही खेदाची गजाल जावून आसा.

या कायद्यानुसार सरकारी आनी निमसरकारी कार्यालयातली माहिती पळोवपाचो, त्या माहीतीच्यो कॉपी पैशे भरून मेळोवपाचो अधिकार सामान्य मनशाक आसा. माहिती प्रत्यक्ष कार्यालयात वचून पळोपाचो अधिकारसुद्दा या कायद्यान सामान्य मनशाक दिलेलो आसा. आनी त्या माहीतीचो पुरावो म्हणून सुद्दा उपयोग करपाक जाता. माहिती मागयताना, तुमी ती माहीती किद्याक मागयतात हे संगपाक जायूच अशे ना.

या कायद्या अंतर्गत अर्ज करून मागयलेली माहिती तुमका तीस दिसाभीतूर मेळपाक जाय अशे या कायद्यान बंधन घालील्ले आसा, जर त्या पब्लिक इंफोर्मेशन ऑफिसराक माहिती दिवपाक ये ना जाल्यार, ती ताका किद्याक दिवपाक ये ना हे ताणे सांगपाक जाय. तुमी अर्ज करून तुमका जर काय तीस दिसां भीतूर माहिती मेळुक ना किंवा तुमका जी काय माहिती मेळ्या ती अर्धकुटी किंवा चूकीची आसा अशे जर तुमका दिसले जाल्यार, तुमका फर्स्ट अपेलॅट ऑथोरीटीकडे दाद मागपाक मेळता.

ही जाली माहीती आता तुमका या माहिती अधिकार कायद्याचो वापर करून एका मनशान कायद्याचो वापर करून खाजगी बस सेवेच्या गैर व्यवहाराबाबत त्या खाजगी बसवाल्या कशी बुद्द शिकयली ते सांगता (ही गजाल हावे इंटरनेटाचेर वाचील्ली)

अमरावतीच्यान पुण्याक वचपाखातीर एका मनशान खाजगी बशीचे तीकीट काडले. बस सुटपाची वेळ सांजेचो सातचो अशिल्ली, हो मनीस सांजेच्या पावणेसाताकूच बसस्टॉपाचेर आयलो. पूण थय वयतुकुत तका कळ्ळे कि बस पयलीच गेलेली, हो त्या बशीच्या कार्यालयात गेलो आनी ताणे थय बशीबाबत विचारपू केली, कार्यालयाचो मनीस आयकाना जालो म्हणून ताणे थयच्यानूच त्या गाड्येच्या मालकाचो फोन घेऊन त्या मालकाक फोन केलो, तो मालक आता किदेतरी व्यवस्था जाता जाल्यार पळोवया अशे म्हणपाक लागलो, पूण आता हो मनीस ताज्या टिकीटचे पैशे परत मागपाक लागलो. ताजेर ताका त्या मालकान सांगले की पैशे चार दिसानी मेळतले. त्या बसमालकाच्या उतराचे विश्वास दवरून तो मनीस दुसर्‍या बशितल्या पुण्यात गेलो, चार दिसानी परत तो त्या बशीच्या कार्यालयात गेलो आनी ताज्या तीकीटाचे पैशे मागपाक लागलो, तर ताका फाल्या यो अशे सांगले गेले, दुसर्‍या दिसाय तशेच जाले... गाडी तर खाजगी आता हांगा माहीतीचो अधिकार कायदो कसो वापरपाचो ?

तेन्ना ताणे एक आयडिया केली आनी अमरावतीच्या बस नियंत्रक कक्षाकडेन माहितीच्या अधीकाराखाला एक अर्ज केलो आनी विचाल्ले, एका खाजगी गाड्यने कितले पेसेंजर घेवपाक जातात ? या खाजगी गाड्यांक शहरात वचपाक परवानगी आसा ? रस्त्यामदी खयुय पेसेंजरांक घेवपाक वा उतरोवपाक परवानगी आसा ? ‘----‘ (तो वचपी आशील्या बसीचो नंबर, आनी नाव, ट्रॅव्हल कंपनी) या गाड्येक प्रवासी वाहतूक करपाचे लायसन्स दिताना काय अटी घातलेल्यो आसात काय किदे ? या गाड्यांक सामान व्हरपाची परवानगी आसा ? आनी हेर काय प्रश्न.

ताज्या या अर्जाचो परीणाम असो जाली की ताज्या अर्जाचेर वाहतूक विभागातल्यान सुत्रां हालली आनी त्या मनशाक ताज्या घरा ताजे पैशे आनी बरोबर दिलगीरीचे पत्र मेळ्ळे.

हेका नाक दाबल्यानंतर तोंड उगडट्टा अशे म्हणपाक जाता.

न्यायालया, संसद, विधिमंडळ, महामंडळा, जिल्हधिकारी कार्यालया, पंचायत, महानगरपालिका, नगरपालिका आनी आर्थिक लाव घेणार्‍यो सहकारी किंवा खाजगी सेवभावी संस्था, मंत्रालयातले वेगवेगळे विभाग अश्या कार्यालयाच्या कामकाजामदि चडान चड पारदर्शकता आनी जबाबदारीची जाणिव जावपाच्या दृष्टीकोनातल्यान माहितीचो अधिकार कायदो खूप महत्वाचो आसा, वेगवेगळ्या कार्यालयातल्या कामकाजाची माहिती, कागदपत्रा सामान्य मनशाक मेळपाक लागून, आनी या अधिकाराची कार्यप्रणाली आखपाक लागून केंद्रिय माहीती आयोग आनी राज्य माहिती आयोग स्थापन केलेले आसात.

माहितीचो अधिकार म्हणजे खयच्या कार्यालयाकडे अशिल्ली किंवा त्या कार्यालयाच्या नियंत्रणात आशिल्ली आनी या कायद्याचा नियमाखाला मेळपासाखी माहिती ! माहिती जाणून घेवप, आनी ती माहिती जाणून घेवपाखातीर जाय आशिल्ली कागदपत्रां मागप हो प्रत्येक नागरीकाचो मुलभूत हक्क जावून आसा. या अधिकाराचो वापर करून तुमच्या परिसरात सुरू आशिल्या कामाची माहिती, जालेल्या कमाची माहिती, नियोजित कामाची माहीती घेवपाक जाता, उदा. न्यायालयाकडल्यान जालेल्या निकालाची कॉपी जाय जाल्यार, सरकारी कार्यालयाकडल्या अहवाल, प्रसिद्धी पत्रका, जाहिराती ह्यांच्यो कॉपी, सहकारी संस्थांच्या कामाबाबत तांच्यो मिटींगीचो अहवाल, आर्थिक व्यवहाराची माहिती, पंचायतीन चालू आसलेल्या कामाबाबत, जालेल्या कामाबाबत, तुमच्या गावात जालेल्या रस्त्यांच्या, लायटीच्या कामाबाबत आनी हेर बरीच माहिती.......

माहिती मेळयताना येणारो खर्च

मागयलेल्या पानांची झॅरॉक्स कॉपी दर पानाक 2 रू

जर सिडी जाय आसली जाल्यार दर सिडीचेर 50 रू

कार्यालयात्ली कागदपत्रा पळोवपाक जाय जाल्यार पयल्या वराक खर्च ना, पुण फुडल्या दर तासाक 5 रू.

(अर्जदार जर दरिद्रीरेषे सकयलो असत जाल्यार ताका माहिती मोफत दिवपाक जाय)

(अर्जदार जर दरिद्री रेषेसकयल आसत जाल्यार रेशन कार्डाची झेरॉक्स जोडपाची)

माहिती मेळोवपाक लागून अर्जदारान कोर्‍या कागदाचेर ज्या कार्यालयाकडल्यान माहिती जाय त्या कार्यालयाच्या माहिती अधिकार्‍याकडे (पब्लिक इंफोर्मेशन ऑफिसराकडे (पी.आय.ओ)) अर्ज करपाचो त्या अर्जाचेर 10 रु. चो कोर्ट फि स्टँप लावपाचो. (अर्जदार जर दरिद्रीरेषे सकयलो असत जाल्यार ताका कोर्ट फि स्टँप लावपाची गरज ना)

गोयात माहितीचो अधिकार कायद्याअंतर्गत माहीती मेळोवपाक अर्ज अमक्याच तरेन बरोवपाक जाय असो काय ठराविक असो नमूनो ना, तरीपूण तुमका समजूपाक म्हणून नमुनो अर्ज दिलेलो आसा. (अर्जदार जर दरिद्री रेषेसकयल आसत जाल्या रेशन कार्डाची झेरॉक्स जोडपाची)

हांगा रू.10/-चो न्यायालय फी मुद्रांक (कोर्ट फी स्टॅंप) चिकटोवपाचो

अर्ज बरोवणार्‍याचे पूर्ण नाव

पूर्ण पत्तो,

मोबाईल आनी लँडलाईन नंबर

ईमेल :

तारीख :      /      /   

प्रति,

शासकिय माहिती अधिकारी,

(कार्यालयाचे नाव आनी पत्तो)

विषय :  माहितीचो अधिकार कायदो, 2005 अंतर्गत अर्ज.

माननिय महोदय,

सकयल बरयलेल्या विषयांसंबंदी माहिती मागोवपाक माहितीचो अधिकार कायदो 2005 च्या अंतर्गत, हांव हो अर्ज बरयतां.

1.     माहिती मागवण्याबाबतचो प्रस्न

2.   “”                     “”                     “”

3.        “”                     “”                     ‘”

4.        “”                     “”                     “”

या अर्जावांगडा हावे रू.10/-चो न्यायालय फी मुद्रांक (कोर्ट फी स्टॅंप) फी म्हणून चिकटयलेलो आसा.

या अर्जाच्या बाबतीत तुमका जर दिसता की या अर्जांत मागयलेली माहिती  तुमच्या खात्याच्या अंतर्गत आसपावना, जाल्यार माहितीचो अधिकार कायदो 2005 च्या नियम 6(3) वरवी हो अर्ज संबंधीत खात्याक धाडची हि विनंती.

तशेच माहिती अधिकार कायदो 2005 प्रमाण तुमच्या वयल्या  ऍपेलेट ऑथोरिटिचे (नाव आनी तेंच्या हुद्द्यासयत) कळोवचे, जर म्हाका तुमी दिल्ल्या उत्तराबाबत शंका आसली जाल्यार हाव तुमच्या वयल्या ऍपेलेट ऑथोरिटि कडे फस्ट अपील करपाक शकतोलो.

तुमचो भावदिय

सहि  ________________________

नाव ________________________

गांव ________________________

फर्स्ट अपेलेट ऑथॉरीटी

अर्ज केल्यानंतर अर्जदाराक माहिती अधिकार्‍यान(पी.आय.ओ) 30 दिसांच्या भीतूर माहिती दिवपाक जाय. आनी जर काय 30 दिसाभीतूर माहिती दिवूक ना, माहिती दिवपाक न्हयकार दिलो, किंवा समाधानकार माहिती दिवूक ना जाल्यार तुमका त्या माहिती अधिकाराच्या विरोधान त्याच कार्यालयाच्या फर्स्ट अपेलेट ऑथॉरीटीकडेन 30 दिस अपील करपाक मेळटा, (फर्स्ट अपेलेट ऑथॉरीटीकडे बरोवपाचो नमुनो अर्ज सकयल दिलेलो आसा) हो अर्ज करताना गोयात अर्जाबरोबर कोर्ट फी स्टँप लावपाची गरज ना.

अर्ज बरोवणार्‍याचे पूर्ण नाव

पूर्ण पत्तो,

मोबाईल आनी लँडलाईन नंबर

ईमेल :

तारीख :      /      /   

प्रति,

ऍपेलेट ऑथोरीटी,

(कार्यालयाचे नाव आनी पत्तो)

विषय : माहितीचो अधिकार कायदो, 2005 अंतर्गत फर्स्ट अपील.

माननिय महोदय,

हाव श्री/सौ/कु _________________________ रहाणार ______________ तुमचेकडे माहितीचो अधिकार कायदो, 2005 अंतर्गत फर्स्ट अपील करता.

  

हावे दिनांक __/__  /___  या दिसा एका अर्जावरवी माहितीचो अधिकार कायदो 2005 अंतर्गत तुमच्या शासकिय माहिती अधिकारी (पी.आय.ओ) कडेन सकयल बरयलेली माहिती मागयलेली. शासकिय माहिती अधिकारी (पी.आय.ओ) कडल्यान म्हाका समाधानकारक माहीती न मेळील्लयाकारणान हांव तुमच्यामुखार फर्स्ट अपील करता.

सकयल बरयलेल्या विषयांबाबत माहिती मेळची म्हणून माहितीचो अधिकार कायदो 2005 च्या अंतर्गत हाव हो अर्ज करता.

1.     माहिती मागवण्याबाबतचो प्रस्न

2.   “”                       “”                     “”

3.        “”                     “”                     ‘”

4.        “”                     “”                     “”

म्हज्या वयल्या बरयलेल्या प्रस्नांक म्हाका ____________________________ _________ ________________________________________ __________________________

(समाधानकारक माहीती मेळूंक ना ताचो तपशील थोड्या शब्दात बरयात)

या अर्जावांगडा दि. __/__  /___ क्रमांक ______ या दिसा माहितीचो अधिकार कायदो 2005 अंतर्गत हावे केल्ल्या अर्जाची कॉपी आनी त्या अर्जाचेर तुमच्या कार्यालयाकडल्यान दि, __/__  /__  क्रमांक ______ या दिसा बरयलेल्या आनी म्हाका दि. ___/___/___ या दिसा मेळ्ळिल्या जापेची कॉपी जोडलेली आसा.

      म्हज्या या फर्स्ट अपीलाबाबत योग्य तो निर्णय घेवचो आनी म्हाका जाय आशील्ली योग्य माहिती मुजरत दिवची अशे मागता.

तुमचो भावदिय

सहि

नाव

गांव

राज्य माहिती आयुक्त

फर्स्ट अपेलेट ऑथॉरीटीकडे अपील केल्यानंतर अर्ज केलेल्या दिसाच्यान 45 दिसाभीतूर माहिती मेळपाक जाय. हो फर्स्ट अपेलेट ऑथॉरीटी माहिती अधिकारी (पी.आय.ओ) परस अनुभवान आनी अधिकारान चड आस्ता, ताणे आपल्या अधिकाराचो वापर निःपक्षपातीपणान करपाचो आस्ता.

आनी जर फर्स्ट अपेलेट ऑथॉरीटी कडल्यान माहिती न्हयकारली किंवा चुकीची माहिती मेळ्या अशे दिसले जाल्यार 90 दिसांभीतुर तुमका राज्य माहिती आयुक्ताकडे दुसरे अपील करपाक मेळटा.

गोयांत राज्य माहिती आयुक्तांकडे दुसरे अपील करपाक अर्जावांगडा फि भरपाची गरज ना. (सकयल राज्य माहिती आयुक्ताकडे करापचो नमुनो अर्ज दिलेलो आसा).

हो अर्ज बरयताना आमी जशे कोर्टान अर्ज करताना बरयता तसो बरोवपाचो.

अर्ज बरोवणार्‍याचे पूर्ण नाव

पूर्ण पत्तो,

मोबाईल आनी लँडलाईन नंबर

ईमेल :

तारीख :      /      /

विरूद्ध

जाच्या विरोधात अपील करपाचे आसा ताचे नाव (पी.आय.ओ)

आणि पत्तो (कार्यालय, आनी हुद्दो)

1.                  (तुमी अपील करपाचे आसात त्या माहिती अधिकार कायाद्या अंतर्गत तुमी केलेल्या अर्जसंमंदी, मेळलेल्या पत्राची तारीख आनी पत्र क्रमांक थोडक्यात बरोवपाचो.)

2.                  (हे अपील करपाफाटलो हेतू थोडक्यात बरोवपाचो)

3.                  (जर हे अपील तुमी तुमका तुमचो माहितीचा अधिकार न्हयकारलो अशे दिसता जाल्यार, तुमी पी.आय.ओ. कडेन केल्ल्या अर्जा संमंदी मोजक्या शब्दात बरयात तशेच अर्ज केल्ली तारीख आनी अर्ज क्रमांक (तुमी केल्ल्या अर्जाचो क्रमांक बरयलेलो आसलो जाल्यार) बरयात, तशेच जेच्या विरोधात अपील करपाचे आसात त्या पी.आय.ओ. चे नाव, कार्यालय, आनी पत्तो बरोवपाचो)

4.                  (आयुक्ताकडे मागणे, विनंती व प्रार्थना आर्जव करपाचे)

5.                  (अर्जदाराचे पडताळणी निवेदन (व्हरीफिकेशन) (सकयल नमुनो दिल्या प्रमाण))

पडताळणी निवेदन

हांव (अर्जदाराचे नाव), (पिराय), रावपी (पुर्ण पत्तो), अशे मान्य करता या अर्जात जे कीदे बरयलेले आसा, ते सगळे म्हझ्या माहिती प्रमाण सत्य आसा.

हे पडताळणी निवेदन आयज दि. ___ रोजी (म्हयनो) (वर्स) (जागो) केल्ले आसा.

सही      : _____________

अर्जदाराचे नाव : ____________________

स्थळ   : ________

तारीख : __/___/____

6.                  हेर काय म्हयीती जी म्हयीती या अपीलाक वजन येवपाक आनी आयुक्तांक निर्णय घेवपाक बरे पट्टा अशी आसत जाल्यार बरोवपाची.

(माहिती आयुक्तांकडे अपील करीत आसताना अर्जाबरोबर सकयल दिल्ल्याप्रमाण कागदा जोडची)

अ.                तुमी पी.आय.ओ. कडेन केल्ल्या अर्जाची प्रत (झेरोक्स कॉपी)

आ.               पी.आय.ओ. कडल्यान तुमका आयलेल्या जापेची प्रत (झेरोक्स कॉपी)

इ.                  पी.आ.ओ.च्या जापेबाबतीन तुमी फर्स्ट अपील (फर्स्ट ऍपेलेट) केल्या अर्जाची प्रत (झेरोक्स कॉपी)

ई.                  तुमका फर्स्ट ऍपेलेट कडल्ल्याम तुमी केल्ल्या अर्जा आयलेल्या जापेची प्रत. (झेरोक्स कॉपी)

उ.                  तशेच तमी ज्या खयच्या मुद्याचेर अपील करतता त्या बाबतची प्रत (झेरोक्स कॉपी)

7.                  अपीलावांगडा जी हेर कागदपत्रां जोडपाची आसात, त्या कागदपत्रांची (वयर मुद्दो क्र, 6न बरयलेल्या प्रमाण) यादी करपाची. वेगळ्या कागदार एक तक्तो करून प्रत्येक कागद पत्राबाबतीत बरोवपाचे आनी त्या त्या कागदपत्रांक अनुक्रमान क्रमांक दिवपाचो आनी तो क्रमांक त्या त्या कागदार वयल्या उजव्या वाटेन बरोवपाचो (ऍपिंडेक्स) आनी कागद, तुमी जो अर्ज आयुक्तांकडे करता त्या अर्जाचे पयले पान हे आसपाक जाय (सकयल नमुनो तक्तो दिल्लो आसा)

जोडणी कागदपत्रे यादी

अनुकमणिका |            कागदपत्राबाबत माहीती                           |कागद पत्र क्रमांक

1                  | पी.आय.ओ. ला  केल्लो अर्ज प्रत                        । अ – 1

2         । पी.आय.ओ. कडल्यान आयलेले जाप प्रत                 । अ - 2

8.                  तुमी जी कागदपत्रा आनी प्रती (झेरोक्स कॉपी) दवपाचे आसात त्या सगळ्या कागदपत्रांचेर आनी प्रतींचेर सकयल्या उजव्या वाटेन अर्जदारान आपणाली सही (सेल्फ अटेस्टेशन) करणे करप गरजेचे.

राज्य माहिती आयुक्त हे कोर्टासारकेच आस्तात ते तांचेकडेन आयलेल्या अर्जाची तपासणी करता, गरज पडली जाल्यार संबधित कार्यालयाच्या माहिती अधिकार्‍याक (पि.आय.ओ) आपयता अर्जदाराकुय आपयतात आनी राज्य माहिती आयुक्त निर्णय दिता, ताणी दिलेलो निर्णय दोगायजणाक (अर्जदाराक आनी माहीती अधीकार्‍याक) बंधनकारक आस्ता.

माहिती अधिकार्‍यान थारायलेल्या टायामात माहिती दिवूक ना किंवा जाणीवपूर्वक माहिती न्हयकारली, किंवा चुकीची माहीती दिली, किंवा अर्धकुटी माहिती दिली, किंवा दिशाभूल कारणारी माहिती दिली किंवा माहिती नष्ट केली अशे जर राज्य माहिती आयुक्ताचे मत जाले तर त्या माहिती अधिकार्‍याक ताणे केलेल्या हयगयखातीर  दर दिसाचो 250 रू या प्रमाण दंड दिवपाक जाता, दंडाची रक्कम 25000 परस चड दिवपाक जायना.

राज्य माहिती आयोगाकडल्या जेन्ना माहिती अधिकार्‍याक दंड केलो वता ताजे पयली ताका ताजे म्हणणे पुराव्यासयत मांडपाची संद दिली वता.